no words needed. Eitt það mesta inspiration sem ég hef séð í langan tíma
Nov 29, 2012
Nov 28, 2012
Larry Bird
Sterkasta vopn íþróttarmanna er sjálfstraust.
Íþróttarmaður án sjálfstrausts
er eins og hermaður á leiðinni í stríð allsber með ekkert vopn, Er eins og bíll
án vélar, eins og kvikmynd án leikstjóra, og svo framvegis.
Þetta er fyrirbæri sem ég hef lagt hvað mesta
rannsóknarvinnu á. Ef ég hef áhuga á einhverju þá sekk ég mér í það. Ég hætti
ekki fyrr en ég hef fengið eins miklar upplýsingar og ég get borið. En það er
eitthvað öðruvísi þegar ég rannsaka orðið sjálfstraust og hvað felst í því. Það
er nefnilega alltaf hægt að finna eitthvað nýtt sem tengist sjálfstrausti,
eitthverjar nýjar tilvitnanir, nýjar rannsóknir og svo framvegis.
Það hafa allir skoðun á sjálfstrausti, því jú
það snertir allar mannverur jarðar.
Ég hef ætlað að skrifa pistil um sjálfstraust síðan ég
byrjaði fyrst með síðuna, en aldrei fundist ég vita nóg. Sjálfstraust er svo
vítt hugtak að það er virkilega erfitt að komast yfir það í einum pistli.
Að stúdera sjálfstraust hefur hjálpað mér mikið. Ég hef gert
ýmislegt til þess að bæta sjálfstraustið mitt og svo viðhalda því á hæsta
stigi.
Sá maður sem ég tek mér helst til fyrirmyndar þegar kemur að
sjálfstrausti er goðsögnin Larry Bird. Sem íþróttarmaður hafði hann óbilaða trú
á sjálfum sér, því meira sem ég kynni mér hann og les um hann því meira heillar
hann mig sem íþróttarmaður.
Þegar hann klikkaði skoti, þá fagnaði hann því! Því hann
vissi að hann væri 50% skytta og víst hann klikkaði þessu skoti, þá vissi hann
að hann myndi hitta næsta skoti.
Hann vissi að hann væri ekki sneggsti leikmaðurinn, ekki sá stærsti og ekki sá sem hoppaði hæst en hann vissi og lagði mikla áherslu á að enginn væri sterkari en hann andlega, hann lagði einnig mikla áherslu á að engin legði meira á sig en hann.
Hann setti sér eina góða reglu sem ég hef tileinkað mér
síðan ég las það fyrst, hann hætti ekki að taka auka skot eða æfa eftir æfingar
þangað til allir aðrir voru hættir, þar var hann kominn með ákveðið andlegt
forskot á liðsfélaga sína fyrir sjálfa sig. Ef hann er seinastur út úr salnum
þá getur hann réttlætt fyrir sjálfum sér að hann hafi lagt mest á sig af öllum
á viðkomandi æfingu.
Andlegur styrkur íþróttarmanns er virkilega vanmetinn. Það
er talið að 70% getu leikmanns er komið útfrá andlegum styrk og hversu mikið
hann trúir á sjálfan sig. Það skilur eftir að 30% sé komið af líkamlegum burðum
og hæfileikum.
Þegar þetta er sagt þá langar mig til að spyrja þig hvað er
hlutfallið þitt á því hversu mikið þú æfir andlegan styrk á móti líkamlegum
styrk/þinni íþrótt líkamlega?
mótlæti
Hvað er mótlæti?
Í lífinu hvort sem það er í íþróttum eða öðru upplifa allir
erfiða tíma. Oft er sagt að erfiðir tímar eru þeir tímar sem móta hverja
manneskju hvað mest af öllu. Þessir tímar eru oft kallaðir mótlæti. Mótlæti
getur birst í ótal myndum, hvenær sem er, hvar sem er og hvernig sem er.
Hvað flokkar þú undir mótlæti?
Ég hef undanfarinn ár hætt að lýta á erfiða hluti sem
mótlæti.
Hvers vegna?
Það er einfalt svar:
Mótlæti er mjög neikvætt orð, neikvæð orð ber að forðast,
neikvæð orð leiða til neikvæðra hugsana, sem leiðir til fleiri neikvæðra
hugsana sem endar með neikvæðri niðurstöðu.
Jordan setti allt upp sem áskorun. |
Ég er alls ekki að tala um að ég hætti bara við að gera það
sem ég ætlaði mér að gera, af því það tókst ekki. Ég á við að ég finn bara aðra
leið til þess að ná að afreka það sem ég ætla mér. Kannski þarf ég að opna 7
dyr í staðinn fyrir þær 2 dyr sem ég bjóst við í upphafi. En það gerir það að
verkum að þegar ég loksins næ því markmiði sem ég setti mér upphaflega, gefur
það manni ennþá meira að hafa náð þeim heldur en ef það hefði verið auðvelt og
tekist í fyrstu tilraun.
Ef það væri auðvelt að ná árangri væri þá árangur eitthvað
eftirsóknarvert?
Ef þú lest, horfir eða/og hlustar á alla helstu íþróttarmenn sögunnar þá sérðu nákvæmlega þetta mynstur. Þau hugsa ekki neikvætt, þau standa alltaf upp og reyna aftur þegar það tekst ekki, þau finna áskorun í öllu mögulegu og svo mætti halda áfram lengi fram eftir götunum.
Með því að hafa tileinkað mér þetta sjálfur tel ég mig nær
þeirri/þeim manneskju/íþróttarmanni sem ég vil vera þegar uppi er staðið.
Nú spyr ég aftur: hvað er mótlæti?
Viðhorf
Viðhorf íþróttarmanna til hinna ýmsu hluta eru jafnmörg og
þeir eru margir. Það er hægt að túlka hvern einasta minnsta hlut á þúsund
mismunandi vegu. Margir íþróttarmenn vilja stjórna öllu í kringum íþróttina sem
þeir eru að spila, en það sem þeir átta sig ekki á er að þeir eru í raun að
eyða óþarfa púðri í eitthvað sem þeir geta engan veginn stjórnað.
Hversu oft hefur þjálfari öskrað á þig?
Öskur er annað fyrirbæri sem hægt er að túlka á marga
mismunandi vegu. Sumir myndu finnast þjálfari bara að vera að tala hátt á meðan
öðrum finnst hann vera að öskra eins hátt og hann getur, þótt aðilinn sé að
nota sömu tóntegund í báðum tilfellum.
Mörgum finnst óþægilegt að spila undir þeim kringumstæðum
þegar þjálfari hækkar róminn útaf mistökunum þínum meðan annar eflist við það
að það sé látið hann heyra það. Þetta þarf þjálfari einnig að tileinka sér,
þjálfarinn getur ekki komið fram við alla alveg eins.
Finnst þér óþægilegt að láta öskra á þig en þjálfarinn gerir
það samt?
Þessi hefur látið þá nokkra heyra | það í gegnum tíðina! |
Þá langar mig að gefa þér nokkur ráð um hvernig þú getur
afborið það.
-hlustaðu á skilaboð öskursins, ekki hvernig þjálfarinn
segir það.
-blokkaðu það sem hann segir, bíddu þangað til hann hefur
róað sig niður og spurðu hann svo hvað hann hafi sagt.
-alls ekki lýta undan, heldur horfðu á hann, það eitt fær
þjálfara oft til að anda léttar
-ekki setja hausinn niður í bringu, berðu brjóstið út í
loftið og vertu stoltur af sjálfum þér sama hvaða kringumstæður er um að ræða
-ekki svara þjálfaranum, segðu já, þótt það hafi ekki verið
þín mistök, þú munt alltaf tapa rökræðum við þjálfarann því hann ræður.
-hafðu það í huga að í langflestum tilfellum öskrar þjálfari
á þig eða skammar þig af því hann veit að þú getur gert betur heldur en þú ert
að sýna.
Reyndu að láta köllin frá þjálfaranum hvetja þig áfram. Það
er staðreynd að þjálfarar skamma meira og láta leikmenn meira heyra það sem
þeir geri meiri kröfur til. Því fyrr sem þú skilur það sem íþróttarmaður, því
fyrr getur þú komið sjálfum þér upp á hærra plan.
Ef þú getur látið öskra á þig tímunum saman án þess að það
bitni á sjálfstraustinu þínu þá ertu kominn í hóp frammúrskarandi einstaklinga.
Þeir sem geta haldið sjálfstraustinu sínu hátt uppi sama hvað bjátar á, munu
geta komist eins langt og hugurinn dreymir um. Nú erum við komin yfir á
viðfangsefni næsta pistils þannig ég ætla að stoppa hér.
Vakinn til lífsins
Þar sem körfuboltatímabilið er byrjað og maður er búinn að koma sér vel fyrir aftur hér í Þýskalandi.þá er ekkert því til fyrirstöðu að byrja að skrifa hér aftur.
Síðan hefur legið undir smá yfirhalningu,með nýju og breyttu looki kemur nýr og betri penni vonandi, allavega aktívari penni.
Það munu verða tilkynntir nokkrar nýjungar sem hafa verið í vinnslu. Allt gert með þeim hugsunarhætti að íþróttarmenn sem vilja ná lengra hafi kost á því.
Ég hef fengið mikið af fyrirspurnum frá allskyns fólki úr hinum ýmsu íþróttum um hvort ég ætli ekki að halda áfram með síðuna, þar sem hún hafi hjálpað þeim mikið og hvatt þau áfram. Það er virkilega gaman að fá fyrirspurnir um hina ýmsu hluti sem ég skrifa um þannig endilega haldið því áfram.
Síðan hefur legið undir smá yfirhalningu,með nýju og breyttu looki kemur nýr og betri penni vonandi, allavega aktívari penni.
Það munu verða tilkynntir nokkrar nýjungar sem hafa verið í vinnslu. Allt gert með þeim hugsunarhætti að íþróttarmenn sem vilja ná lengra hafi kost á því.
Ég hef fengið mikið af fyrirspurnum frá allskyns fólki úr hinum ýmsu íþróttum um hvort ég ætli ekki að halda áfram með síðuna, þar sem hún hafi hjálpað þeim mikið og hvatt þau áfram. Það er virkilega gaman að fá fyrirspurnir um hina ýmsu hluti sem ég skrifa um þannig endilega haldið því áfram.
May 13, 2012
hvað ert þú að gera?
Ef það er eitthvað sem ég hef verið spurður að oftar en
annað, þá er það „hvernig í andskotanum nenniru að æfa svona eins og þú gerir?“
Þetta eru í raun einföld svör. Þegar íþróttarferillinn er
búinn vil ég getað litið til baka og
verið stoltur af því sem ég hef gert. Ég vil geta sagt að ég hafi gert allt til þess að ná árangri,
annaðhvort tókst það eða ekki, það kemur í ljós seinna. Ég vil ekki sitja heima
hjá mér 45 ára og velta fyrir mér EF. Annaðhvort munu hlutirnir ganga upp eða
ekki. Það er ekkert EF.
Stór ástæða af hverju ég æfi eins og ég geri er að ég vil ná
öllum þeim sem eru fyrir framan mig getulega séð. Eina leiðin til að gera það
er að æfa sig enda er allt sem mannskepnan gerir endurtekning. Því oftar sem þú
gerir hlutina því betri verðuru að gera þá.
Það er alltaf hægt að finna afsökun fyrir að einhver sé
betri en þú. Hann hleypur svo hratt, hann hoppar hátt, hann er mun stærri en
ég, hann er í betra liði, hann er með betri þjálfara, og svo framvegis.
Það nennir í raun enginn að hlusta á þannig afsakanir. Ef þú
æfir meira en hinir verðuru betri en þeir, kannski í dag, morgun, næsta ári, 5
árum seinna en þú munt ná þeim, öllum PUNKTUR.
Ég hef fengið svakalega mikið af mönnum í gegnum tíðina til
mín og sagt við mig. „ég var miklu betri en þú þegar við vorum yngri, EF ég hefði haldið áfram þá væri ég
örrugglega enn betri“.
Alveg ótrúlegt hvað margir segja þetta. En þegar uppi er staðið er eina svarið: en þú
ert það ekki!
Þú hættir.
Þú lagðir ekki á þig
það sem þurfti.
Þú gafst upp
Þú vildir frekar fara
á djammið að eltast við hvað?
Þú vildir frekar spila
Playstation heldur en að fara að taka extra skot.
Villt þú vera ein/n
af þeim sem segir þessa setningu við einhvern sem þú varst betri en þegar þið
voruð í minibolta 11 ára?
Ef þú gerir hlutina almennilega, þá mundu brátt sjá að það
eru flestir vegir færir, það þarf bara að finna leiðina.
Besti PG í heimi vaknar kl 4:20 til að ná forskoti á hina
Ef þú hugsar út í það þá er einhver úti núna einhverstaðar í
heiminum úti að æfa sig meðan þú ert hér
að lesa þennan pistil, akkurat á þessum tímapunkti er sá hinn sami að ná
forskoti á þig. Er það eitthvað sem þú villt?
Ég get allavega lofað
þér því að ég mun nota sumarið eins vel og ég get til þess að finna leið til
þess að ná forskoti á þig!
Hvað ert þú að gera
til þess að nóg forskoti á okkur hin?
May 10, 2012
Fæðubótarefni
Nú er farið að líða á sumar og allir farnir að hugsa hvernig
þeir eigi að bæta sig fyrir næsta vetur, geri ég ráð fyrir. Eitt af því fyrsta
sem kemur upp í huga hjá flestum er að styrkja sig, sérstaklega hjá yngri
leikmönnum sem eru að stíga sín fyrstu skref inn í „fullorðinsmanna“
körfubolta.
Ég er búinn að fá nú þegar nokkuð margar fyrirspurnir frá
ungum leikmönnum um hvaða fæðubótarefni þeir eiga að notast við til að geta
styrkt sig í sumar.
Þarftu eitthvað hér í raun? |
Eitt það mikilvægasta sem fólk gleymir oftar en ekki um
fæðubótarefni, leynist í orðinu sjálfu. Fæðubótarefni eru ætluð til notkunar
til viðbótar við fæðuna, fæðu-bót en ekki koma í stað máltíða eins og margir
halda.
Áður en byrjað er að skoða hvaða fæðubótarefni skulu vera
notuð, er alltaf best að taka mataræðið fyrst í gegn. Hvað ert þú að borða
margar kalóríur á dag? Hvað þarftu margar á dag? Hversu mikið af kolvetnum ertu
að borða á dag? Hversu mikið af prótínum ertu að borða á dag?
Þetta eru allt spurningar sem þú þarft að vita svarið við
áður en hægt er að lýta á hvaða fæðubótarefni þú þarft.
Er þetta ekki nóg? |
Íþróttarmenn sem æfa mikið og vilja ná heilbrigðum árangri
þurfa á miklu kolvetni að halda. Kolvetni eru orkugjafi líkamans. Flókin
kolvetni eru þar fremst í flokki þar sem þau endast lengst í líkamanum. Flókin
kolvetni eru til að mynda haframjöl, hrísgrjón, sætar kartöflur og pasta. Önnur
kolvetni sem koma sér vel eru t.d. ávextir og grænmeti.
Þannig ég ráðlegg öllum þeim sem vilja styrkja sig að fara
vandlega yfir mataræðið fyrst. Borða reglulega, minnka nammi, minnka gos, auka
við ávexti. Einnig myndi ég prufa að taka upp 2-3 daga á www.matarvefurinn.is og sjá hversu margar kaloríur þú ert að borða,
hvað þú þarft og hvað vantar uppá.
Þetta litla ráð getur sparað þér mikin pening við óþarfa
fæðubótarefniskaupum, sérstaklega fyrir körfuboltamenn sem ekki eru að reyna að
keppa í vaxtarrækt.
(Svo eru auðvitað til menn sem æfa það mikið (og með það
hraðar frumur) að þeir geta ekki komist
yfir allar þær kaloríur sem þeir þurfa yfir daginn með venjulegum mat. Þeir menn
þurfa fæðubótarefni til að ná árangri.)
Nánar verður farið yfir þetta ásamt mörgu öðru á körfuboltabúðum
Harðar Axels og Jóhanns Árna
Mar 24, 2012
ímyndun inn í íþróttarhúsi
Hver man ekki eftir þeim dögum þegar maður var úti á velli,
ímynda sér að vera að spila við Jordan, Magic, Kobe, Bird, eða einhvern af
þessum snillingum. Telja niður upphátt
3........................2..........................................1
Swiss
Fagna ógurlega og segja svo með lýsenda rödd. Hörður Axel
skorar hér sigurkörfuna fyrir NBA titlinum árið 2000 og Kobe Bryant gat ekkert
gert í því.
Svo skeður eitthvað sem verður til þess að maður hættir að
hugsa svona, þetta er orðið barnalegt.
Þegar maður er að gera æfingar með keilur, þá eru keilurnar
í raun keilur ekki varnarmaður.
Ímyndunarafl er mikilvægara en þekking. |
-
Þú ert bara einn í húsinu þannig þú getur tekið eins mikinn
tíma og þú villt í hvaða skot sem er. Það er enginn svakalegur varnarmaður að
dekka þig.
-Stóllinn er bara stóll ekki risastór maður að setja
heljarinnar skrín svo þú getir nú eitthvern tímann losnað frá þessum svakalega
varnarmanni sem er að dekka þig.
-Hljóðið í loftræstingunni er bara hljóðið í loftræstingunni
ekki fullt hús af stuðningsmönnum, annaðhvort að styðja þig eða á móti þér.
-Bekkurinn á hliðarlínunni er bara gamall trébekkur, ekki
bekkurinn sem þú þarft að setjast niður á ef þú stendur þig ekki
Ég er 23 ára gamall og ég ímynda mér meira en 5 ára krakki
sem er nýbúinn að fá 2 stóra kassa af playmó til að leika með.
Ég fæ mikið út úr því að vera einn í húsinu og setja upp
allskyns aðstæður. Ég þarf að drippla extra lágt svo boltanum verði ekki
stolið, þarf að hægja extra mikið á mér og sprengja svo upp í 100% til að koma
varnarmanninum mínum á óvart, þarf að vera snöggur að nái skotinu af því Lebron
er að dekka mig, hann er 10 cm stærri en ég og hoppar 10x hærra en ég.
Maður er aldrei of gamall til að setja sig í eitthverjar
aðstæður og herma eftir þeim til að reyna að koma sjálfum sér á næsta level.
Þetta hjálpar svakalega mikið.
Ég veit ekki með ykkur en ég er allavega aldrei einn í
íþróttarhúsinu. Kobe er yfirleitt með mér.
Subscribe to:
Posts (Atom)